КОЦУР – Того викенду Фодбалски клуб „Искра” зоз Коцура одбавел два пририхтуюци змаганя за ярню часц першенственей сезони котра почина 10. марца у Подручней лиґи Суботица.
Всоботу, 24. фебруара, „Искра” госцовала у Бачким Петровцу и страцела од домашнєй „Младосци” з резултатом 3:1. Єдини ґол за Искру дал Стефан Мароєвич.
Вчера, 25. фебруара, „Искра” тиж бавела у госцох и то у Србобрану процив екипи „Младосц Радосц”. На тим змаганю екипа з Коцура победзела з резултатом 5:3. Ґоли за „Искра” дали Дамян Ґубаш 2, Зоран Сердар 2 и Неманя Делич.
Шлїдуюце змаганє „Искра” будзе бавиц шлїдуюцого викенду процив „Сутєски” зоз Бачкого Доброго Поля и тото змаганє будзе ґенерална проба пред початком другей часци першенства.