КОЦУР – Внєдзелю, 8. априла, коцурски ФК „Искра” на домашнїм терену дочекал екипу „Виноґрадар“ зоз Гайдукова и страцел змаганє зоз 2:1. Ґол за „Искру“ дал Дамян Ґубаш.
Окрем стаценого змаганя, „Искра” зоз тим пораженьом страцела и перше место на таблїчки, понеже „Байша” на домашнїм терену победзела „Ядран” зоз Фекетичу, та тераз ма єден бод вецей од „Искри”. После 21. одбавеного кола у Подручней лиґи Суботица „Искра” друга на таблїчки зоз 43 бодами.
Шлїдуюци два кола барз значни за „Искру“. У шлїдуюцим колу коцурски фодбалски клуб будзе госцовац у Фекетичу дзе ю дочека екипа „Ядрану“, а о два тижнї у Коцуре ше будзе бавиц дерби змаганє помедзи „Искру“ и „Байшу“.