РУСКИ КЕРЕСТУР – Ище вше єст места за паломнїцтво до Лурду у Французкей, хторе будзе тирвац од 27. априла по 4. май, а хторе орґанизує парохия св. оца Миколая з Руского Керестура. Заинтересовани зоз шицких наших парохийох треба же би ше цо скорей приявели.
Паломнїцтво до Лурду, найпознатшого Марийового святилїща на швеце, кошта 350 еври, а на драги ше нащиви и други городи у Французкей и Италиї а то Падова, Верона, Каркасон, Авиньон и Милано.
По словох пароха керестурского о. Михайла Малацка, лурдска побожносц барз присутна у особней духовносци наших людзох и вирни з наших парохийох у прешлосци барз часто там одходзели. Но, остатнє паломнїцтво з наших крайох було пред скоро 40 роками.
Заинтересовани пойсц до Лурду треба же би ше явели на керестурску парохию на тел. 025/703-836, лєбо при Иванови Гардийови на имейл hardi.ivan@gmail.com, або на телефон 063/88-96-467.