ДЮРДЬОВ – У 30. колє ярнєй часци змаганя Подручней фодбалскей лиґи Нови Сад, вчера, 13. мая, ФК „Бачка 1923” з Дюрдьова госцовала на стадиону у Футоґу дзе бавела зоз ФК „Софекс”.
Змаганє ше закончело з побиду ФК „Бачка 1923” 3:4 (1:2). Ґоли за дюрдьовски клуб дали Ґелич, Ружич, Д. Тривунович и Летич. После того змаганя ФК „Бачка 1923” ма за два места лєпши пласман на таблїчки, та є тераз на шестим месце з 43 бодами.
Шлїдуюце змаганє „Бачку” будзе бавиц на нєдзелю, 20. мая, на 17,30 годзин на домашнїм терену процив осмопласованого ФК „Фрушкогорски партизан” з Буковцу котри ма 40 боди.