КОЦУР – Наступного викенду 18., 19. и 20. мая, до отримованя манифестациї „Ноц музейох”, уключи ше и коцурски Етно клуб „Одняте од забуца” котри шицким заинтересованим понукнє интересантну програму.
На пияток, 18. мая, на 21 годзин будзе отверанє вистави наших старих молитвенїкох, з тей нагоди будзе и кратка програма на котрей буду участвовац коцурски парох о. Владислав Рац, шестра Михаїла Воротняк и виронаучни дзеци нашей грекокатолїцкей парохиї.
На соботу, 19. мая, на 20,30 годзин у Етно клубе будзе приказана монодрама „Милионерка”, котру одбави Амалия Ковач спред РКУД „Др Гавриїл Костельник” зоз Кули.
На нєдзелю, остатнього дня „Ноци музейох”, Етно клуб будзе отворени цали дзень, та шицки котри нє могли присц на отверанє, годни нащивиц виставу молитвенїкох од котрих найстарши ма коло 160 роки.