РУСКИ КЕРЕСТУР – Внєдзелю, 22. октобра, керестурски рукометаше бавели дома процив РК „Гранїчар” зоз Ґакова и зазначели побиду.
То було 5. коло ТРЛ „Бачка”, а у добрим амбиєнту, пред красним числом патрачох и у комплетним составе, „Русин” победзел з резултатом 35–33(17–15). Бавело ше ґол за ґол, та змаганє було напарте по сам конєц.
Найлєпши од домашнїх були Мудри зоз 7 ґолами и Момич зоз 12 ґолами. За „Русин” ище бавели Гербут 5, Боянович 4, Салак 3, Варґа 3, Тома 1, Милинкович, Стойков, Югик, Виславски, Бабич, Дудаш, Ковачевич и Гарди. Екипу водзел Планчак.
Идуце змаганє Керестурци бавя 29. октобра у Бездану, процив екипи „Ґрафичар”.