Конкурс за Ярнї подобови салон

автор але
917 Опатрене

ВЕРБАС – Здруженє подобових уметнїкох Вербас (УЛУВ) розписало конкурс за участвованє на Ярнїм подобовим салону у 2017. року. Мож конкуровац з двома роботами хтори настали у прешлим року, а формат дїла (нє важи за скулптури) нє шме бул векши як 80 центиметри.

Право участвовац маю шицки члени Здруженя хтори плацели членарину од 600 динари за чечуци рок, а роботи треба придац 8, 9. и 10. марца. З роботами треба дац и основни податки о авторови (адресу, число телефона и технїчни податки о роботох).

Материял мож принєсц особнє до просторийох „Нашей ґалериї“, лєбо послац на адресу: Наша ґалерия, за Ярнї подобови салон УЛУВ, Маршала Тита 87, 21460 Вербас.

Виставу на Ярнїм подобовим салону плановане отримац 20. марца, а подробнєйши информациї о конкурованю и Салону можу достац на телефон: 066/864-22-75.

ПОВЯЗАНИ ТЕКСТИ