ШИД – Културно-образовни центер розписал Явни конкурс за предкладанє кандидатох за додзельованє „Вишнїчовей награди“ з нагоди отримованя традицийней Културней манифестациї пошвеценей Филипови Вишнїчови под назву „Вишнїчово днї”, хтора будзе отримана од 2. по 6. новембер.
Предкладац мож кандидатох хтори ше визначели у обласци култури и дали свойо доприношенє у збогацованю културного животу општини Шид.
Конкурс тирва по 1. новембер, а буду додзелєни два награди – награда за животне дїло и награда за младих по 30 роки живота.
Мена наградзених буду обявени 2. новембра на отвераню манифестациї, а награди уручени на Шветочней академиї 5. новембра.