ШИД – Општински штаб за позарядово ситуациї Шид всоботу, 8. априла, отримал наглу схадзку на хторей одлучене же би ше од компетентних власцох вимагало заверанє Прилапююцого центру за миґрантох у Шидзе при гайзибанскей станїци.
Причина за таку одлуку бул инцидент з пиятку пополадню, кед нєпознати миґрант нєовласцено вошол до єдного обисца у улїци Срети Славуєвича при гайзибанскей драги, у хторим були сами два малолїтни дзивчата од 11 и 7 роки, котри ше барз знємирели. По нєурядових информацийох, миґрант окраднул обисце.
Предсидатель Општини Шид и командант Штабу за позарядово ситуациї Предраґ Вукович гварел же локална власц шицким гражданом обезпечи безпечносц и живот без страху и же пре тот инцидент, хтори нє перши на тим подручу, вимагане же би Прилапююци центер за миґрантох у городзе бул заварти.
