ВЕРБАС – Младши пионире Рукометного клубу „Вербас” освоєли державне першенство и принєсли першу державну златну медалю у рукомету, рахуюци шицки катеґориї.
Хлапци народзени 2004. року, вєдно з тренерами Милошом Митровичом и Милутином Лучичом, на державним першенстве победзели 12 екипи, а же успих тих младих спортистох наисце позарядови, гутори и факт же шейсцме поволани до селекциї Войводини.
Єден з нїх и Андрия Скубан, котри тренира штири роки, а початком юлия обчекує поволанку и до репрезентациї у тей катеґориї.