РУСКИ КЕРЕСТУР – По школским календаре, и матуранти Ґимназиї Штреднєй школи „Петро Кузмяк” вовторок, 23. мая закончели наставу у своїм штиророчним школованю.
Матурски испити буду покладац од 2. по 8. юний, а пред тим, 1. юния, ґимназиялци и матуранти Туристичного напряму буду мац Матурски вечар.
Матурантом напряму Туристични технїчар остатнї наставни дзень будзе 30. мая, а од 3. юния покладаю матурски испити.
Мали матуранти – школяре осмей класи – наставу закончую тиж 30. мая, а 7. юния маю Маломатурски вечар и шветочне випровадзанє зоз Школи. Закончуюци испити покладаю од 14. по 16. юний.