Микола Шанта нови предсидатель КУД „Жатва”

автор але
1.3k Опатрене

КОЦУР – У Коцуре вчера, 26. фебруара, отримана Вибернакова скупштина КУД „Жатва” на хторей розпатрани звит о роботи и финансийни звит у прешлим року, а вибране и нове руководительство Дружтва.

Финансийни звит и звит о роботи єдногласно прилапени, у хторим констатоване же у 2016. року Дружтво наступело на шицких смотрох и векших манифестацийох значних за руску националну меншину, а з минималнима средствами. Наглашене же окремне ошвиженє у роботи КУД то тамбурови оркестер, хтори нєдавно почал з роботу. Окремни звит о роботи винєсли и предсзавительки Активу женох, як и плани за наступни период.

За нового предсидателя КУД „Жатва” вибрани Микола Шанта, за подпредсидателя Весна Раґаї Цап, а за секретра Дружтва Мария Дудаш. Вибрани и 21 член до нового Управного одбору, як то по Статуту КУД.

На Скупштини заключене же КУД „Жатва” предлужи з наступами на руских манифестацийох, на општинских смотрох, як и же ше планує отримац шицки секциї хтори тераз активни у Дружтве.

ПОВЯЗАНИ ТЕКСТИ