РУСКИ КЕРЕСТУР – У физкултурней сали Основней школи „Петро Кузмяк” 25. октобра отримани Мини-рукометни турнир на хторим участвовали мали рукометашки и рукометаше трох екипох.
Попри домашнєй Рукометней секциї Школи „Петро Кузмяк” хтору тренира Славко Надь, на турнире участвовали ище екипа зоз Бачкого Брестовцу и з Дироню. Бавели кажде з каждим, алє циль бул здобуванє рукометного искуства, а менєй резултат.
За похвалу же после турниру родичи домашнїх бавячох за шицких учашнїкох Турниру о своїм трошку пририхтали закуску хтора прешла у упознаваню и приємим друженю.
На ютре, 28. октобра, Рукометна секция керестурскей Школи будзе участвовац на подобним турниру у Оджаку.