РУСКИ КЕРЕСТУР − Дзень побиди над фашизмом, котри означує конєц Народноошлєбодителнєй войни (НОВ), и Дзень Европи, 9. май, з покладаньом венца ґу памятнїку у центру валала означени и у Руским Керестуре.
Покладанє венца орґанизовали млади Керестурци у сотруднїцтве з Месним одбором Здруженя борцох, а з потримовку Месней заєднїци. Скромному числу присутних обрацел ше Янко Хома, єден з иницияторох котри наглашел значносц побиди у НОВ за шицки терашнї и будуци ґенерациї.
У мено Месного одбору Здруженя борцох Дюра Папуґа здогаднул же у НОВ зоз Руского Керестура участвовали 350 млади особи, спомедзи котрих погинули 56-еро, а секретар Месней заєднїци (МЗ) Михайло Сабадош гварел же их МЗ будзе и надалєй потримовац.