СРИМСКА МИТРОВИЦА – Вирни у Сримскей Митровици ше и того року зоз споведзу пририхтали за Паску.
Всоботу, после споведаня шеснацецерих стражарох и после покладаня плащанїци до Христового гробу, даскельо першопричашнїки зоз старшима ветеранами першираз чували Божи гроб аж до раншого богослуженя, внєдзелю на сам дзень Паски. На 5 годзин рано була Воскресна Утриня, а потим Служба после хторей пошвецени коло 110 кошарки.
На 11 годзин була друга Служба Божа з мированьом, а дзецом подзелєни червени писанки котри офарбели родичи стражарох.
На Вельку ноц вирни пришли аж и зоз далєкого Прхова, зоз Латярку, Шашинцох и Индїї.