Мож приявиц екипи за Ноцни турнир у малим фодбалє

автор зам
942 Опатрене

РУСКИ КЕРЕСТУР – Спортске дружтво „Русин” з Руского Керестура и того року орґанизує традицийни Ноцни турнир у малим фодбалє, а екипи мож приявиц по дзень пред початком Турниру – по 1. юлий (до 21 годзин).

Ноцни турнир у малим фодбалє почнє 2. юлия (нєдзеля), а можу ше приявиц сениорски екипи, пионирски (дзеци народзени од 2003. по 2005. рок), екипи младших пионирох (народзених од 2006. по 2008. рок и младши), як и екипи ветеранох (од 35 роки, та надалєй).

Котизациї за сениорох виноши 10 000 динари за екипу, за младши селекциї 2 000 дин., а за екипи ветеранох 5 000 дин. по екипи.

Екипи за участвованє на Ноцним турнире мож приявиц кажди дзень после 20 годзин у просторийох  СД „Русин” у Старей школи.

Награда за перше освоєне место у катеґориї сениорох 50 одсто уплати и 15 000 динари; за друге место 30 одсто уплати и 10 000 дин., а за освоєне треце место 20 одсто уплати и 5 000 динари. У шицких катеґорийох буду додзелєни и окремни награди за найлєпшого бавяча, ґолмана и ґолґетера.

Информациї о Турнире мож найсц на Фейсбук боку ФК „Русин”, лєбо достац на телефони 063/407-909 (Деян Надь), 065/51-20-238 (Желько Орос) и 065/51-19-779 (Иван Чапко).

ПОВЯЗАНИ ТЕКСТИ