РУСКИ КЕРЕСТУР – Медзи добитнїками тогорочних наградох Културно-историйного центру „Сербска коруна” з Краґуєвцу и Руска матка Сербиї, хтора достала Награду за граждански заслуги, а награди уручени прешлого тижня, 19. мая, на пригодней шветочносци у Кули.
Културно-историйни центер „Сербска коруна” з Краґуєвцу ше занїма з очуваньом националней култури Сербох, а награди уручує и за доприношеня у рижних обласцох култури и уметносцох, як и за очуванє обичайох и националней култури.
Попри Рускей матки, Награду „Сербскей коруни” з меном „Давидова гарфа” достала Школа за основне музичне образованє Кула, „Дюрдєвдански венєц” поета Милан Шуша Бєлински, док професор у сербскей ґимназиї „Никола Тесла” у Будапешту, у Мадярскей, Властимир Вуїч з Кули достал званє „Сербски витяз першого шору”.
Награди наградзеним уручела ґенерални секретар „Сербскей коруни” Миряна Раденкович, у мено Рускей матки награду приял єй предсидатель Дюра Папуґа, а у мено ШОМО директорка Школи Лїляна Барна Никитович.