БЕОҐРАД – Окончователька длужносци директора Канцелариї за людски и меншински права Сузана Паунович виявела же Нарис штвартого Звиту о запровадзованю Акцийного плану за витворйованє правох националних меншинох указал злєпшанє у обласци образованя, а тот штварти Звит явносци будзе представани на ютре.
– Од марца прешлого року, кеди прилапени Акцийни план, кажди три мешаци правиме звит о напредованю у запровадзованю Акцийного плану, та маме прегляд подполного стану на терену – гварела Пауновичова, додаваюци же за остатнї час найлєпши резултати посцигнути у обласци образованя.
– Робиме на змоцньованю локалних заєднїцох у запровадзованю Акцийного плану, хтори тиж уключени до даваню звитох о витворйованю того документу – гварела Пауновичова, надпоминаюци же ше у запровадзованю предписаньох заш лєм пожнї.
– Обчекуєме же на єшень два закони вязани за национални меншини войду до процедури за їх приношенє, а пожнєня єст у нормативней часци – наглашела Пауновичова.