РУСКИ КЕРЕСТУР – На Гуманитарним концерту „За нашо дзеци”, хтори вчера вечар отримани у Велькей сали Дома култури, нащивителє за уходнїци и як добродзечни прилог подаровали 62 500 динари.
На Концерту наступели млади шпиваче, музичаре и рецитаторе з Керестура, Дюрдьова и Нового Саду, од наймладших дзецох предшколского возросту по афирмованих младих уметнїкох.
Концерт орґанизовали млади Керестурци на инициятиву Дорики Чизмар, у сотруднїцтве з Домом култури и парохийним Каритасом.
Як за Рутенпрес виявела орґанизаторка Концерту Дорика Чизмар, з назбераного пенєжу пририхтаю ше крачунски пакецики и у сотруднїцтве з Каритасовима волонтерами, на други дзень Крачуна, буду порозношени дзецом з фамелийох хторим то найпотребнєйше.