КОЦУР – Днї театру „Владимир Сабо-Дайко“, котри почал вчера у Доме култури у Коцуре, нєшка публики понукнє три, а на ютре ище два представи за дзеци.
На 14,30 г. будзе дзецинска представа „Планета Норим” котру пририхтало КУД „Тарас Шевченко”, на 15,30 г. наступи Драмски студио АРТ з Руского Керестура з дзецинску представу „Цифровани яблука”, а на 16,30 г. будзе „Нєлапшни Алибаба” у виводзеню КУД „Дюра Киш зоз Шиду.
На ютре, 15. априла, домашнї ґлумци наступя з двома два представами котри и завру тогорочни Днї театру. На 16 г. будзе дзецинска представа „Кудлик Пудлик чека ґазду” котру пририхтали члени КУД „Жатва”, а на 17 г. будзе представа „Лєнїва Марча” у продукциї Етно клубу „Одняте од забуца”.