На Општинскей смотри двойо рецитаторе по руски

автор влдї
999 Опатрене

ШИД – Штварток и пияток, 2. и 3. марца, у сали Културно-образовного центру у Шидзе отримана Општинска смотра рецитаторох „Поето народу мойого“.

Перши наступели змагателє у младшим возросту, котрих було 82-ойо, а медзи нїма и Леа Ралбовски, школярка трецей класи ОШ, з руску народну писню „Зламала ше кормань деска“, та Давид Гирйоватий, школяр штвартей класи ОШ, котри рецитовал писню „Дїдово унуки“ Михайла Ковача. За Смотру их пририхтали наставнїца Златка Сивч Здравич и мр Вера Дупало.

9-Sid-02

Спомнути рецитаторе ше нє пласовали на висше змаганє, а фахови жири за участвованє на Зонскей смотри вибрал пейц рецитаторох.

Вчера у катеґориї штреднього возросту наступели 49 рецитаторе, були приявени и тройо рецитаторе по руски, алє ше нє зявели на змаганю, а за дальше змаганє вибрани шесцеро рецитаторе.

У старшим возросту Руснаци нє мали представительох, а спомедзи 26 рецитаторох, фахови жири – ґлумец Милан Тубич, професорка сербского язика и литератури Лїляна Лукич и учителька Любица Вучичевич – за Зонски смотру вибрал штверо рецитаторох.

9-Sid-03

ПОВЯЗАНИ ТЕКСТИ