ВЕРБАС – У грекокатолїцкей парохиї у Новим Вербаше вчера, 4. юния, означене швето Сошествия Св. Духа – Русадля, а у своєй казанї на Служби Божей парох о. Иґор Вовк наглашел же бизме шицки мали буц свидоми своїх подлих звикнуцох и неґативних характеристикох, з хторима ше маме моцовац з молитву, бо у тим моц правого вирнїка.
Парох о. Иґор Вовк вчера дополадня Службу служел и у Змаєве, а на 13 годзин на городским теметове у Вербаше пошвецел гроби.
По традициї, з нагоди Русадльох церква була оквицена зоз желєнима конарами.
