РУСКИ КЕРЕСТУР – Здруженє спортских рибарох „Коляк” з Руского Керестура на нєдзелю, 22. октобра, з нагоди Дня ошлєбодзеня од фашизма, на керестурским беґелю орґанизує змаганє у спортским риболову „Чукияду”.
Сход заинтересованих змагательох будзе на базену, у лєтнїковцу здруженя, на 7 годзин рано. На змаганю ше будзе лапац на дуґов (пампур), без балерини, а зоз собу треба вжац и рибки (кедери). Котизация за участвованє виноши 700 динари.
Шицки змагателє и члени Здруженя спортских рибарох „Коляк” буду мац обезпечени полудзенох (лєм треба принєсц прибор за єдзенє).
Шицки други информациї мож достац на телефон 060 703 79 44 (Михайло).