КОЦУР – На пияток, 16.марца, на 12 годзин у Месней заєднїци здруженє младих КУМ у сотруднїцтве зоз Здруженьом новинарох за польопривреду АҐРОПРЕС орґанизує сход за жени и младих польопривреднїкох.
На сходу буду бешедовац предсидатель Општини Вербас, совитнїки министра польопривреди и представителє „Дунав осиґураня”. На сходзе будзе и фахови сотруднїк емисиї „Знанє иманє“, др Лука Радоя, та з тей нагоди у Коцуре будзе знята тота емисия.
На роботнї будзе слова о значносци младих и женох за розвой польопривреди, а єдна з темох будзе и о инциятивох у польопривреди, финансованю польопривредней продукциї и можлївосци пласованя роби на иножемни тарґовища.
Окремна повага будзе пошвецена аґрарним реформом и успишному запровадзованю аґрарней политики у розвою польопривреди Сербиї.
Участвованє у роботнї будзе безплатне.