НОВИ САД – На площи опрез СПЕНСУ у Новим Садзе вчера почал перши ,,НОФЕК” – ,,Новосадски фестивал кнїжки”, хтори тирва и нєшка и ютре, у орґанизациї Здруженя гражданох ,,Поента”.
Под час Фестивалу буду отримани рижни манифестациї на хторих участвую двацецеро писателє з вецей городох Сербиї, насампредз пре промованє и приблїжованє литератури младим.
Заплановани програми як цо то ,,Поетски маратон”, ,,Полемична представа”, ,,Розгварка з велїканом”, гуманитарна вистава калиґрафских роботох ,,Вельки любови вельких писательох”, промоция младих авторох, ,,часОПИСИ”, ,,З писательом на ти”…
Фестивал финансує Городска управа за спорт и младеж, а з потримовку Библиотеки Матици сербскей, Городскей библиотеки, Филозофского факултету Универзитету у Новим Садзе, СПЦ ,,Войводина”, орґанизациї за младих ,,Успон” и Центру за младежску роботу.
Уход на програми безплатни, а починаю на 17 годзин.