ДЮРДЬОВ – Фодбалере першого тиму Фодбалского клуба „Бачка 1923” з Дюрдьова ше уж мешац пририхтую за першенство котре почина того викенду.
Тренер першого тиму Раденко Шарович виявел же ше наздава доброму старту. Фодбалере ше интензивно пририхтую, бо ше Клуб жада затримац у тим ранґу. Тим у тей часци першенства будзе подмладзени, векши физични покалїченя нєт, а у екипи и надалєй буду двацец пецеро фодбалере.
Перше змаганє у єшеньскей часци першенства ше одбави на соботу, 18. авґуста на 17,30 годзин, на стадиону Фодбалского клубу „Фрушкогорски партизан” у Буковцу.