РУСКИ КЕРЕСТУР – Здруженє спортских риболовцох (ЗСР) „Коляк” з Руского Керестура на ютре, на соботу 8. юлия, орґанизує змаганє у лапаню терпешох – „Терпешияду”.
Ютрейше змаганє рибарох будзе на беґелю Дунай-Тиса-Дунай, а сход змагательох на 14 годзин при Лалицкому мосту (при „чуварнїци”).
На змаганю можу участвовац шицки члени ЗСР „Коляк”, а котизация 500 динари, хтору ше уплацує на дзень змаганя.
„Терпешияда” будзе тривац штири годзини, лапа ше на два циґонї, а за учашнїкох после змаганя обезпечена вечера.