НОВИ САД – Нєодлуга буду утаргнути додатни трошки студентох на Универзитету у Новим Садзе (УНС), наявел того тижня ректор УНС Душан Николич.
Николич за „О радио” РТВ гварел же того року у планє з покраїнского буджету обезпечиц пенєж хтори цалком закриє трошки академскей заєднїци. На питанє чи то значи же студенти вецей нє буду мушиц плациц додатни трошки, як цо то уплати за испити и оверйовенє семестру, ректор одвитовал же ше обчекує же то будзе цо скорей.
– Думам же на велїх факултетох тото релативно швидко будзе окончене. О тим зме уж урядово бешедовали на схадзки Сенату – гвареел ректор за „О радио”.
Студентски рух Нови Сад дотераз орґанизовал три протести процив плаценя додатних трошкох на факултетох, а нєдавно и Державна ревизорска инсититуция указала же предходни роки було нєтранспарентного трошеня пенєжу достатого од студентох.