РУСКИ КЕРЕСТУР – У Руским Керестуре нєшка, 13. мая, Младежска ґрупа Драмского студия „АРТ” керестурского Дому култури репризно одбави комедию „Боинґ-Боинґ” Марка Камолетия, у режиї Владимира Надя Ачима. Представа у Велькей сали Дому култури почина на 20 годзин.
На ютре, на нєдзелю 14. мая, музично-танечни ансамбл Дому култури Руски Керестур у Велькей сали Дому култури отрима цаловечарши концерт, на хторим наступя шпиваче-солисти, Дзивоцка шпивацка ґрупа, Виводзацки танєчни ансамбл и Народни оркестер.
Музично-танєчни ансамбл виведзе репертоар з хторим наступал на госцованю у Словацкей концом априла и початком того мешаца. Початок концерту на 20 годзин.