ШИД – Нєшка, на швето Преображеня Господнього, церква и вирни у Шидзе означую храмове швето Кирбай.
Архиєрейска Служба Божа почнє на 10,30 годзин, будзе ю предводзиц апостолски еґзарх за грекокатолїкох у Сербиї кир Георгий Джуджар, сослужовац буду паноцове з вецей наших парохийох, а на концу богослуженя будзе пошвецена овоц хтору вирни принєшу до церкви.
Шидянє буду мац и госцох, КУД „Барвинок” зоз Камюнки, зоз Словацкей Републики, хторе на нєдзелю нащиви и Бикич, а на нєдзелю на 20 годзин на бини при Културно-образовним центре у Шидзе госци отримаю концерт.