НОВИ САД – У новинох „Руске слово” у рубрики Дружтво почал виходзиц фельтон у хторим будземе преберац часци зоз кнїжки „Як гуторя дїдове – швет давно бул иншаки” хтору написал о. Владимир Еделински Миколка парох у Беркасове и Бикичу. Кнїжка „Як гуторя дїдове, швет бул давно иншаки” вишла у виданю НВУ „Руске слово” и Заводу за културу войводянских Руснацох 2023. року.
Основна идея писаня кнїжки настала з намиру же би ше з нагоди сторочнїци КПД „Дюра Киш” зоз Шиду написало моноґрафию Дружтва у котрей би голєм єдно поглавє обрабяло тему о доприношеню Церкви културному животу Руснацох на тих просторох. Медзитим, о. Еделински Миколка зоз коавтором планованей моноґрафиї, Мирославом Цирбом младшим, заключели же материялу котри би требало обробиц єст надосц и же шицко то нє годно стануц до єдней кнїжки. Прето настала кнїжка пароха о. Еделински Миколки.
На бокох Дружтво у новинох будземе преношиц виривки зоз кнїжки о. Владимира Еделински Миколки, хтора порушала вельке интересованє читачох кед вишла, тираж бул швидко розпредати, а то гутори же Руснаци жадни читац о своїм каждодньовим живоце, духовней и културней прешлосци.
