ДЮРДЬОВ – Штредком того тижня почало масовнєйше предаванє домашнього бостану, ґереґи и динї котри пестовани у дюрдьовским хотару, а предаванє бостану почало перших дньох юлия.
На главней драги домашнї бостан за тераз предаю члени фамилиї Шовлянски, Гарди и Канюх.
Цена ґереґи 60, а динї 100 динари.
Тогорочни ґереґи добре зродзели, при концу зреня було досц и води и слунка, та тогорочна сезона резаня бостану у дюрдьовским хотаре рушела скорей як узвичаєно.
