НОВИ САД – На Радио програми по руски нєшка на 13:00 годзин будзе емисия Соботово стретнуца, а ютре на 12:30 г емисия Културна панорама.
У найновшей емисиї Соботово стретнуца госцинска будзе Вероника Вуячич зоз Нового Саду. Вона занята у Новинско-видавательней установи Руске слово, хвильково як редакторка новинскей аґенциї по руски Рутенпрес. Активна є у нашей заєднїци, велї ю познаю по тим же є вше зоз фотоапаратом у рукох. У розгварки зоз ню дознаце дакус вецей о єй початкох у новинарстве и о єй интересованьох. Розгварку призначела Єлена Дудаш.
Соботово стретнуца ше емитує премиєрно каждей соботи на УКТ габох радия РТВ на 92, 100 и 107,1 мгг, на 13:00 годзин и репризно стреду на 23:00 годзин, мож ю послухац и на одложеним слуханю на сайту РТВ. Емисию пририхтала
Ютре, на 12:30 годзин у найновшей емисиї Културна панорама будзе слова o литератури – о цикавих приповедкох за одруснутих, алє и о двох едукативних сликовнїцох за дзеци, котри нєдавно видала Новинско-видавательна установа Руске слово.
Редакторка и водителька емисиї: Саня Дивлякович. Емисию Културна панорама ше емитує кажду нєдзелю на 12:30 г и репризно на 23:00 г, а мож ю послухац на УКТ габох радия РТВ на 92, 100 и 107,1 мгг, и на одложеним слуханю на сайту Радио-телевизиї Войводини.
