РУСКИ КЕРЕСТУР – У Руским Керестуре нєшка, 7. марца, будзе порядна схадзка Националного совиту (НС) Руснацох у тим зволаню, на хторей главни точки розпатранє финансийних звитох и планох роботи як самого НС и його орґанох, так и установох хторим є снователь, лєбо соснователь – НВУ „Руске слово”, РНТ „Петро Ризнич Дядя” и Заводу за културу войводянских Руснацох.
Схадзка НС будзе у просторийох Дому култури на 18 годзин, а попри горе спомнутого, медзи 22-ома предложенима точками дньового шору и приношенє Одлуки о розришеню Управного одбору Заводу за културу войводянских Руснацох, менованє членох до Роботного цела за родну ровноправносц НС, як и розришенє дотерашнїх членох (пре задзекованя) и менованє нових до Роботного цела за младеж НС.
На дньовим шоре и потвердзованє вецей скорейших одлукох Вивершного одбору НС Руснацох.