РУСКИ КЕРЕСТУР – У Руским Керестуре право гласа на позарядових Парламентарних виберанкох, хтори ше отримую нєшка, на штирох виберацких местох маю 3.667 валалчанє. Шицки гласацки места отворени на час, а процес гласаня ше одвива поряднє без зазначених проблемох.
По 10 годзин на виберацким месце число 34 у просторийох Ловарского дружтва Яребица од 1.004 приявених гласали 280 особи, цо коло 28 одсто.
На виберацким месце число 35 у Пензионерским доме од 798 приявених гласали 220 особи, цо коло 27,5 одсто.
На виберацким месце число 36 у просторийох ЯКП Руском од 911 приявених гласали 250, цо коло 27 одсто.
На виберацким месце число 37 у просторийох Замку од 954 приявених гласали 270, цо коло 28 одсто.
Гласац мож по 20 годзин, а зоз собу треба вжац особну карточку або пасош.
