СЕРБИЯ – Нєшка, 25. октобра у Сербиї ше отримую позарядово парламентарни виберанки, гласацки места отворени од 7 до 20 г. Рутенпрес нєшка будзе поряднє обявйовац вистки зоз терену по наших местох.
Спрам конєчного числа котре утвердзела Републична виберанкова комисия, видруковани 6 милиони 451 тисяча и 292 гласацки лїстки, з котрих за гласанє у иножемству 102.147.
Гласа ше на 8.392 виберацких местох, з котрих 93 у иножемстве. На гласацким лїстку понукнути 18 опциї, котри вєдно маю 2.418 кандидатох за Народних посланїкох.
Гражданє гласаю на виберацких местох на котрих су уписани до виводу зоз виберацкого списку, а зоз собu требa вжац важацу лєм особну карточку або пасош.