РУСКИ КЕРЕСТУР – У Хорскей сали Дому култури у Руским Керестуре нєшка будзе Месна смотра рецитаторох. Змаганє почина на 18 годзин.
На Месней смотри рецитаторох того року участвую вєдно 28-еро рецитаторе у трох возростох – 16 у младшим, 10 у штреднїм и двойо у старшим возросту.
Пред месним, у Школи „Петро Кузмяк” пондзелок, 27. фебруара отримане школске змаганє рецитаторох, на хторим з 27 школярох од першей по штвартку класу ОШ вибрани 16-еро за участвованє на Месней смотри.
Месни смотри рецитаторох у кулскей општини, у орґанизациї Културно-просвитней заєднїци Општини Кула и установох у култури, почали 27. фебруара, а буду закончени на пияток, 3. марца.
На ютре, 2. марца, Месна смотра рецитаторох будзе у Кули, а Општинска 10. марца у Крущичу.