РУСКИ КЕРЕСТУР – У рускокерестурскей парохиї св. оца Миколая, по григориянским календаре, нєшка припада швето Успениє Пресвятей Богородици – Велька Матка Божа.
Швето будзе преславене на богослуженьох у Катедралней церкви дзе Служби Божо буду на 8 и 19 годзин, а Велька Служба будзе лєм у Водици на 10 годзин.
Успениє Пресвятей Богородици найвекше Марийово швето, а одноши ше на єй одход зоз жемского живота. По християнскей традициї Мария як Исусова мац – Богородица, була зоз целом вжата на нєбо.