ОФК „Бикич” освоєл першенство

автор влдї
873 Опатрене

ШИД – Коло пред законченьом тогорочней сезони познате же фодбалере ОФК „Бикич” освоєли першенство у Општинскей фодбалскей лиґи Шид, понеже у предостатнїм колє дома победзели „Омладинєц” аж зоз 9:0.

ОФК „Бачинци” победзели „Борец” з 3:0, а шидска „Єднота” з 3:0 страцела  од „Синдєличу”. У тим колє шлебодна була екипа беркасовского „Сримцу”.

На таблїчки ОФК „Бикич” перши зоз 49 бодами, а у останїм колє є шлєбодни. ОФК „Бачинци” други зоз 40 бодами, „Єднота” седма зоз 23, а „Сримец” предостанї, дзешати, зоз 14 бодами.

У останїм 22. колє на нєдзелю „Омладинєц” дочекує ОФК „Бачинци”, „Єднота”  бави процив „Гранїчару”, а ОФК „Бинґула” дочекує „Сримец”.

ПОВЯЗАНИ ТЕКСТИ