Обновена горизонтална сиґнализация у зонох школох

автор апм
936 Опатрене

ВЕРБАС – Екипи ЯКП „Комуналєц” тих дньох закончели ошвижованє горизонталних линийох коло образовних установох у Вербаше, пре лєпшу безпечносц школярох под час школского рока.

Пред початком каждого нового школского року, вербаски драгаре ошвижую букви, пешацки преходи и застановяци смуги на драгох у околїску основних и штреднїх школох. Закончени шицки приходи ґу основним и штреднїм школом у Вербаше, после чого исти роботи шлїдза у валалох општини.

Як визначел Милован Кривокапич з Дїловней єдинки „Чистота” Милован Кривокапич, безпечносц дзецох у транспорту приоритет найвисшого уровня, а обнова сиґнализациї представя транспортно-технїчну миру хтора оможлївює безпечнєйше рушанє школярох на драги од дом по школу.

Понеже роботи у меншей мири уплївую на транспорт, Кривокапич шицких вожачох з тей нагоди замодлєл за сцерпезлївосц, а после обнови горизонталней сиґнализациї почнє и замена вертикалних знакох и слупох.

ПОВЯЗАНИ ТЕКСТИ