ДЮРДЬОВ – З нагоди отримованя ярнєй схадзки священїкох нашого апостолского Еґархату, у церкви Рождества Пресвятей Богородици у Дюрдьове 12. марца одслужени парастос за длугорочного дюрдьовского пароха, протоєрея ставрофора Йоакима Холошняя.
Паноцец Йоаким умар у 86. року живота, 19. марца 2017. року у Дюрдьове, дзе є и поховани 21. марца на грекокатолїцким теметове.
Парастос одслужел о. Михаил Холошняй, син Йоакима Холошняя, а потим отримана и порядна схадзка у церковней сали дзе, медзи иншим, було и бешеди о пририхтованю 15-рочнїци од установеня нашого еґзархату 2003. року. Под час схадзки, владика Георгий информовал священїкох и о менованю нового бачкого декана – коцурского пароха о. Владислава Раца.