ШИД – Зоз Шветочну академию, хтора отримана у сали Културно-образовного центра у Шидзе, Основна школа „Сримски фронт” штварток, 12. априла, означела Дзень школи.
Академия була у знаку здогадованя на славного науковца – Николу Теслу и през пригодну програму школяре бешедовали о його живоце и дїлу.
У програми наступел и хор Школи хтори одшпивал даскельо шпиванки пошвецени тому науковцови.
На початку академиї на бину вишли шицки школяре од першей по осму класу, хтори явно похвалєни пре замерковани резултати на рижних уровньох змаганя, а од просвитних роботнїкох похвалєни учительки у оддзелєньох у Бикичу и Соту пре наставу зоз школярами миґрантами хтора запровадзена у тим школским року.
