НОВИ САД – У редакциї тижньових новинох на словацким язику „Глас люду” (у будинку „Дневнику” у Новим Садзе) вчера, 19. октобра означена 73-рочнїца того глашнїку, хтори попри „Руского слова” єден з найстарших у Войводини на меншинским язику.
Госцох на шветочносци привитал директор Установи „Глас люду” Самуел Жяк, а ювилей повинчовали помоцнїк покраїнского секретара за културу, явне информованє и одношеня з вирскима заєднїцами задлужени за медиї Дьордє Вукмирович, предсидателька Националного совиту Словацох и покраїнска посланїца Ана Томанова Маканова, предсидатель Матки словацкей Ян Бртка, а на шветочним сходзе присуствовала и директорка НВУ „Руске слово Мартица Тамаш.
Исти дзенья новинаром „Гласу люду” и младежского часопису по словацки „Взлет” додзелєни награди.
