Општинска рада предложела ребаланс буджету

автор влдї
1.1k Опатрене

ШИД – Општинска рада (ОР) Шид на вчерайшей схадзки прилапела Предлог одлуки о ребалансу буджету, хтора нєодлуго будзе розпатрана на Скупштини општини Шид. З ребалансом би мала буц посцигнута ровновага медзи приходами и розходами, хтори тераз утвердзени на 1,2 милиярди динари.

Як Предлог одлуки новинаром обгрунтовал член ОР Драґан Ґутич, з о ребалансом будзе оможлївена буджетна стабилносц, цо насампредз значне пре финансованє капиталних инвестицийох у хторих локална самоуправа участвує як софинансиєр.

На схадзки Ради принєшени и Предлог одлуки о максималним чишлє занятих на основи Закона о занятих у явним секторе, по хторей за Општину Шид максималне число одредзене на 449 занятих на нєодредзени час.

Началнїк Општинскей управи Ромко Папуґа потолковал и Предлог одлуки о снованю месних заєднїцох, бо дотерашня ище з 2005. року и була аж и на Уставним судзе Сербиї. Терашня усоглашени з актуалнима законскима предписанями, а оможлїви и же би нєодлуга були розписани вибренки за совити месних заєднїцох у шидскей општини.

ПОВЯЗАНИ ТЕКСТИ