КОЦУР – Коцурски Шаховски клуб (ШК) „Омладинєц“ вчера, 17. децембра, на Пелетовим салашу орґанизовал Општинске першенство у швидкоцагаюцим шаху.
На першенству участвовал 21 шахиста зоз цалей вербаскей општини, а бавело ше 15 минути по бавячу, 7 кола по швайцарскей системи.
Перше место освоєл Будимир Крунич зоз Бачкого Доброго Поля, а друге и треце место освоєли члени ШК „Омладинєц“ зоз Коцура Ґавра Коларич и Споменко Павичевич.
Окрем перших трох местох, котри за освоєне место достали погари, шаховски кнїжки як награди достали и штвартопласовани Раде Клєштан зоз Бачкого Доброго Поля и пиятопласовани Младен Масал зоз Вербасу.
Ґенерални спонзор турниру була Општина Вербас.