ВЕРБАС – Здруженє спортских рибарох „Нови Беґель” внєдзелю, 16. септембра, орґанизовало другу по шоре Чукияду „Душко Половина” хтора отримана на Новим Беґелю.
Змаганє було екипне – участвовали 20 екипи, а змагали ше по двойо у екипи на штири циґонї. Лапало ше лєм чуку, кажду ше мерало и после того такой ше ю врацало до води.
Перше место завжала екипа зоз Селенчи котра влапела 2,800 кґ чуки, друге место завжала екипа зоз Бачкого Добого Поля хтора влапела 2,200 кґ чуки, а треца булаекипа з Червинки хтора влапела 1,500 кґ чуки.
Орґанизатор понукнул фриштик и полудзенок, та после змаганя додзелєни дипломи и награди на спортских теренох „Младосц” у Старим Вербаше.
Орґанизацию помогли и спонзоре, и то вецей месарнї як цо то ;Цвета”, „Боки”, месарня „Шоґор” зоз Малого Идьошу, „Супермикс” зоз Коцура, алє и Явне подприємство „Води Войводини”, понеже пред змаганьом писту крашнє покошели и порихтали за тоту спортску подїю.
