КОЦУР – У Основней школи „Братство єдинство” у Коцуре, школяре осмих класох, як и шицки осмаки у Сербиї, пиаток и соботу мали пробни Закончуюци испит пред уписом до стреднєй школи.
Пияток, 13. априла, осмаки виполньовали пробни испит з математики, а всоботу з мацеринского/руского язика, и комбиновани тест з биолоґиї, ґеоґрафиї, историї, физики и хемиї.
Пробни Закончуюци испит у Коцуре покладал 61 школяр, а зоз рускeй класи 17-ецеро школяре, а шицким то була нагода же би видзели як испит будзе випатрац, алє и дзе муша ище унапредзиц свойо знанє по покладанє правого испиту.
Резултати пробного испиту буду обявени того тижня, та наставнїки годни видзиц же у хторих обласцох треба школярох лєпше пририхтац за покладанє Закончуюцого испиту.