ДЮРДЬОВ – Бал широки сукньох у Дюрдьове будзе 4. фебруара, як и дотераз у просторийох КУД „Тарас Шевченко”. Уходнїца кошта 1 200 динари и од пондзелку, 30. януара, годно ю купиц у просторийох КУД од 19 до 20 г., а уходнїцу мож и заручиц при Миколови Кухарови (тел. 065/838-60-44) и Звонкови Салаґови (тел. 064/353-21-19).
Дзивки и жени облєчени до народних шветочних руских шматох уход на Бал маю задармо.
Орґанизаторе пририхтую смачну вечеру и богату томболи, а грає „Микс бенд” з Руского Керестура.