Пасхални Богослуженя у кулскей парохиї

автор маф
957 Опатрене

КУЛА – И у грекокатолїцкей парохиї священомученїка Йосафата вирни нєшка означую Вельки пияток, дзень розпинаня Исуса Христа, а вчера з богослуженьом означени и Вельки штварток.

Нєшка на Вельки пияток у церкви на 15 годзин будзе Вечурня зоз викладаньом плащанїци и на 19 годзин Єрусалимска утриня.

На ютре, 7. априла, на Вельку соботу пада и швето Благовищенє пресвятей Богородици та утриня будзе на 7,30, а Литурґия на 9 годзин и  виронаука за школярох на 14 годзин.

На сам дзень Пасхи, на 5 годзин будзе Пасхална утриня, Служба Божа зоз пошвецаньом кошаркох, а так исто и на 10 годзин. У Крущичу св. Литурґия и пошвецанє паскох будзе и на сам дзень Пасхи, 8. априла на 8,30 годзин.

На Други дзень Пасхи на 7,30 г. Утриня, на 9 г. Литурґия, а потим традицийни пасхални концерт у церкви и у порти хтори пририхтує кулске КУД „Иван Сенюк”, а по Служби будзе и мированє. На 17 годзин будзе Вечурня. Исти розпорядок богослуженьох будзе и на треци дзень швета, 10. априла.

ПОВЯЗАНИ ТЕКСТИ