КОЦУР – Вчера, 18. юния, у грекокатолїцкей церкви Успения Пресвятей Богородици у Коцуре парох о. Владислав Рац перши раз попричащал 22-ойо дзеци котри ходза на виронауку.
Дзеци за тоту подїю пририхтали вироучителька Ксения Бесерминї и шестра Михаила Воротняк, а парох о. Рац у своєй казанї привитал 8 дзивчата и 14 хлапцох котри прияли Першу причасц, а у тим их потримали числени Коцурци.